Azərbaycan Respublikasının Medianın İnkişafı Agentliyinin təşkilatçılığı ilə “MEDİAlab” layihəsi çərçivəsində 2023-cü il 29 mart tarixində ali təhsil müəssisələrinin tələbələri üçün Azərbaycan Televiziyasının “Xəbərlər” proqramının aparıcısı, telejurnalist Ruslan Həsənov tərəfindən “Newslab” - yaradıcı düşünmə, məzmun istehsalı və xəbər hazırlanması ilə bağlı bacarıqların inkişafı vörkşopu keçirilmişdir.

“MEDİAlab” layihəsi çərçivəsində 2023-cü il 10 aprel tarixində Bakı Dövlət Universitetinin Jurnalistika fakültəsinin II kurs tələbələrinə Medianın İnkişafı Agentliyinin İcraçı direktorun müavini Natiq Məmmədli tərəfindən “Onlayn medianın hüquqi tənzimlənməsi” mövzusunda master-klass keçilmişdir. Master-klass zamanı media sahəsində islahatların hüquqi əsasları, medianın fəaliyyəti, media etikası, informasiya və kommunikasiya texnologiyalarının sürətli inkişafı fonunda onlayn medianın hazırkı vəziyyəti, statusu, informasiya təhlükəsizliyindən danışılmışdır. “Media haqqında” Azərbaycan Respublikasının Qanununun əsas müddəalarını şərh edən Natiq Məmmədli, qanunun jurnalistlərin fəaliyyəti üçün əhəmiyyətini vurğulamış, medianın bugünkü problemləri, cəmiyyət və media arasında əlaqələr barədə tələbələrlə fikir mübadiləsi aparmışdır.

“MEDİAlab” layihəsi çərçivəsində 2023-cü il 15 aprel tarixində jurnalistika ixtisasında təhsil alan və jurnalistikaya marağı olan gənclər üçün ADA Universitetində kommunikasiya, marketinq və ictimai əlaqələr üzrə xarici ekspert Tatyana Ravalli tərəfindən “Rəqəmsal “storytelling”: Rəqəmsal məzmun yaratmaq üçün multimedia alətlərindən necə istifadə etmək olar?” mövzusunda ilk seminar təşkil olunmuşdur. Seminar müddətində yeni informasiya- kommunikasiya texnologiyalarının inkişafının media mühitinə kompleks təsiri, yeni mediada kommunikasiya alətləri və formaları, rəqəmsal alətlərdən istifadə edərək məzmun yaratmaq, sosial medianın məlumat mənbəyi kimi aktuallaşması kimi mövzulara toxunulmuş, iştirakçıları maraqlandıran suallar cavablandırılmışdır.

“MEDİAlab” layihəsi çərçivəsində 2023-cü il 19 aprel tarixində jurnalistika ixtisasında təhsil alan və jurnalistikaya marağı olan gənclər üçün Psixologiya Elmi-Tədqiqat İnstitutunda psixoloq Elnur Rüstəmov tərəfindən “Emosional zəka” mövzusunda təlim təşkil olunmuşdur. Təlim müddətində emosional zəka anlayışı, onun yaranma tarixi, özünü dərk etmə, İQ VƏ EQ arasında əlaqə kimi mövzulara toxunulmuş, gənclərin ünvanladığı suallar təlimçi tərəfindən cavablandırılmışdır.

“MEDİAlab” layihəsi çərçivəsində 2023-cü il 26 aprel tarixində jurnalistika ixtisasında təhsil alan və jurnalistikaya marağı olan gənclər üçün Space Televiziyasının Xəbər departamentinin rəhbəri Elman Bakuvi tərəfindən “Müsahibənin götürülməsi və xəbərin hazırlanması” mövzusunda vörkşop təşkil olunmuşdur. Komanda şəklində keçirilən vörkşop zamanı Elman Bakuvi tərəfindən müsahibənin götürülməsi, xəbərin hazırlanması, “stand up” kimi mövzularda səsləndirilən suallar əsasında gənclərə praktik tapşırıqlar verilmiş və qalib komandalara hədiyyələr təqdim olunmuşdur.

“MEDİAlab” layihəsi çərçivəsində 2023-cü il 27 aprel tarixində jurnalistika ixtisasında təhsil alan və jurnalistikaya marağı olan gənclər üçün AzTV-nin sədr müavini, aparıcı və jurnalist Rüfət Həmzəyevin iştirakı ilə şəbəkələşmə tədbiri keçirilmişdir. Görüş zamanı Rüfət Həmzəyev televiziya və jurnalistika sahəsində olan təcrübəsindən danışmış, əzmkarlığın və zəhmətin önəmini vurğulayaraq gənclərə motivasiya vermişdir.

“MEDİAlab” layihəsi çərçivəsində 2023-cü il 5 may tarixində jurnalistika ixtisasında təhsil alan və jurnalistikaya marağı olan gənclər üçün ADA Universitetində kommunikasiya, marketinq və ictimai əlaqələr üzrə xarici ekspert Tatyana Ravalli tərəfindən “Xəbərin gələcəyi: Rəqəmsal dövrdə jurnalistikanın gələcəyi ilə bağlı tendensiyalar” mövzusunda seminar təşkil olunmuşdur. İnteraktiv formada təşkil edilən seminar müddətində video-jurnalistika və bu sahədə fəaliyyət göstərən platformalar, süni intellekt, podkastlar, sosial medianın məlumat mənbəyi kimi aktuallaşması kimi mövzulara toxunulmuşdur.

“MEDİAlab” layihəsi çərçivəsində 2023-cü il 12 may tarixində jurnalistika ixtisasında təhsil alan və jurnalistikaya marağı olan gənclər üçün “Kapital Bank”ın İnnovasiya Proqramının rəhbəri Tariyel Ağazadə tərəfindən “Sahəvi jurnalistika- texnologiya bloqları” mövzusunda seminar keçirilmişdir.  Təlimçi seminar zamanı texnobloqçuluq, texnobloqun yazılma qaydası, texnoloji media platformaları və bu sahədə olan təcrübəsindən danışılmış, gəncləri maraqlandıran suallar cavablandırılmışdır.

“MEDİAlab” layihəsi çərçivəsində 2023-cü il 20 may tarixində jurnalistika ixtisasında təhsil alan və jurnalistikaya marağı olan gənclər üçün Xəzər Media Mərkəzinin İnformasiya departamentinin şef redaktoru Nəcəf Həsənovun iştirakı ilə şəbəkələşmə tədbiri keçirilmişdir. Görüş zamanı Nəcəf Həsənov televiziya və jurnalistika sahəsində olan təcrübəsindən danışmış, xəbərin hazırlanması, mediada obyektivliyin təmin olunması, müxtəlif situasiyalarda davranış qaydaları, müsahibənin aparılması prosesi  haqqında gənclərə məlumat vermiş, onları maraqlandıran sualları cavablandırmışdır.

“MEDİAlab” layihəsi çərçivəsində 2023-cü il 22 may jurnalistika ixtisasında təhsil alan və jurnalistikaya marağı olan gənclər üçün  ADA Universitetində “The European Alliance” Xəbər Agentliyinin baş katibi Alexandru Giboi tərəfindən "Media savadlılığı" mövzusunda təlim keçirilmişdir. İnteraktiv formada təşkil edilən təlim zamanı rəqəmsal savadlılıq və media savadlılığı, jurnalistikada etika, sosial texnologiya dünyasında jurnalistika və digər mövzulara toxunulmuşdur.

“MEDİAlab” layihəsi çərçivəsində 2023-cü il 26 may tarixində jurnalistika ixtisasında təhsil alan və jurnalistikaya marağı olan gənclər üçün kommunikasiya, marketinq və ictimai əlaqələr üzrə xarici ekspert Tatyana Ravalli tərəfindən “Hədəf auditoriyanın cəlb edilməsi: İnformasiya cəmiyyətinin yaradılması üsulları” mövzusunda seminar keçirilmişdir. İnteraktiv formada təşkil edilən seminar müddətində hədəf auditoriyanın seçilməsi, interaktiv sosial media məzmunun yaradılması, böyük auditoriyaya malik media nəşrləri haqqında məlumat verilmiş, gəncləri maraqlandıran suallar cavablandırılmışdır.

“MEDİAlab” layihəsi çərçivəsində 2023-cü il 13 iyun tarixində jurnalistika ixtisasında təhsil alan və jurnalistikaya marağı olan gənclər üçün Real TV-nin montaj rejissoru Qafar Məhərrəmov və Xəzər Media Mərkəzinin baş operatoru Vüqar Quliyev tərəfindən “Media ilə əlaqədar alətlərdən istifadə qaydaları-montaj” mövzusunda vörkşop keçirilmişdir. İnteraktiv formada təşkil edilən vörkşop zamanı Vüqar Quliyev kameranın düzgün rakursda qurulması, müxbirin kamera və mikrafondan istifadə qaydaları, kontur işıqları haqqında məlumat verilmiş və gəncləri maraqlandıran sualları cavablandırmışdır.

“MEDİAlab” layihəsi çərçivəsində 2023-cü il 30 sentyabr tarixində jurnalistika ixtisasında təhsil alan və jurnalistikaya marağı olan gənclər üçün aparıcı və diktor Rafiq Həşimovun iştirakı ilə şəbəkələşmə tədbiri keçirilmişdir. Rafiq Həşimov görüş zamanı televiziya və jurnalistika sahəsində olan təcrübəsindən danışmış, ərsəyə gətirdiyi sənədli filmlər haqqında gənclərə məlumat vermişdir. İnteraktiv formada təşkil edilən tədbirdə gəncləri maraqlandıran suallar da cavablandırılmışdır.

“MEDİAlab” layihəsi çərçivəsində 2023-cü il 30 sentyabr tarixində jurnalistika ixtisasında təhsil alan və jurnalistikaya marağı olan gənclər üçün Real TV-nin montaj rejissoru Qafar Məhərrəmov tərəfindən “Media ilə əlaqədar alətlərdən istifadə qaydaları-montaj” mövzusunda vörkşop keçirilmişdir. İnteraktiv formada təşkil edilmiş vörkşop zamanı Qafar Məhərrəmov montajın yaranma tarixi və növləri, professional montaj proqramları və onlarla işləmə prinsipi haqqında məlumat vermiş və bu sahədə olan təcrübəsindən danışmış, gəncləri maraqlandıran sualları cavablandırmışdır.

“MEDİAlab” layihəsi çərçivəsində 2023-cü il 30 sentyabr tarixində jurnalistika ixtisasında təhsil alan və jurnalistikaya marağı olan gənclər üçün aparıcı Rüstəm İbadov tərəfindən yaradıcı düşünmə, məzmun istehsalı və xəbər hazırlanması ilə bağlı bacarıqların inkişafı məqsədilə “Newslab” təşkil edilmişdir. Layihənin davamında iştirakçılar tərəfindən qruplar şəklində maraqlı xəbərlər hazırlanaraq təqdim edilmiş, sonda ən maraqlı xəbər hazırlayan gənclərə hədiyyələr təqdim olunmuşdur.

“MEDİAlab” layihəsi çərçivəsində 2023-cü il 9 oktyabr tarixində jurnalistika ixtisasında təhsil alan və jurnalistikaya marağı olan gənclər ilə “Albayrak” Media Qrupunun tərkibindəki GZT rəqəmsal platformasının baş redaktoru Doğukan Gezer, GZT Video redaktoru Abdulkerim Asker və GZT rəqəmsal platformasının kommunikasiya və sosial media qrupunun rəhbəri Suat Özdemirin iştirakı ilə “Rəqəmsal media gənclər üçün niyə vacibdir?” mövzusunda görüş təşkil edilmişdir. İnteraktiv formada təşkil edilən görüş zamanı məzmunun yaradılması, heşteqlərdən istifadə qaydası, sosial platformaların işləmə alqoritması, önədişli reklam kimi mövzularda müzakirələr aparılmışdır.

“MEDİAlab” layihəsi çərçivəsində 2023-cü il 23 oktyabr tarixində jurnalistika ixtisasında təhsil alan və jurnalistikaya marağı olan gənclərə Azərbaycan Respublikasının Medianın İnkişafı Agentliyinin Kommunikasiya şöbəsinin müdiri və mətbuat katibi Səidə Şəfiyeva tərəfindən "Kommunikasiya və  PR: effektiv kommunikasiyanın qurulması və müasir trendlər" mövzusunda təlim keçirilmişdir. Səidə Şəfiyeva iştirakçılara PR menecerin rolu, PR-ın məqsədləri, jurnalistika və PR, onların ortaq və fərqli cəhətləri, kommunikasiya strategiyaları, PR siyasətində müasir trendlər, “RACE” modelindən danışmış, dünyadakı uğurlu PR nümunələrinə nəzər salaraq, media sahəsində effektiv kommunikasiyanın qurulması, kommunikasiya növləri, səmərəli kommunikasiya qurma qabiliyyətinin inkişaf etdirilməsində ünsiyyət texnikaları və metodları haqqında məlumat vermişdir.

“MEDİAlab” layihəsi çərçivəsində 2023-cü il 24 noyabr  tarixində jurnalistika ixtisasında təhsil alan və jurnalistikaya marağı olan gənclərə Ali Məhkəmənin Mülki kollegiyasının hakimi Abiddin Hüseynov tərəfindən fikir və söz azadlığının hüquqi cəmiyyətdəki rolundan, mediada ifadə azadlığının təminatlarının zəifləməsinə səbəb olan şəxslərin qanunla qorunan mənafelərinə zidd sui-istifadə halları barədə məlumat verilmişdir. Həmçinin, insan hüquqlarına dair beynəlxalq aktlarda, milli qanunlarda sözügedən azadlığın cəmiyyətdə məhdudlaşdırılmasını zəruri edən hallar, eləcə də bu sahədə olan məhkəmə təcrübəsi diqqətə çatdırılımışdır. Ali Məhkəmənin Cinayət kollegiyasının hakimi Rəşad Abdulov tərəfindən isə gənclərə ifadə azadlığının cinayət hüquqi aspektləri haqqında ətraflı məlumat vermiş, seminar iştirakçılarını böhtan və təhqir cinayət əməllərinin anlayışı, tövsifi və məhkəmə icraatı barədə məlumatlandırmışdır. Sonra tələbələri maraqlandıran suallar cavablandırılmışdır.